ESF Galicia - Curso ICD

10ª SESIÓN (10 de maio de 2011)

2011-05-19T19:14:00.008+02:00

Este pasado martes tivemos a conferencia de Francesc Cortada Hindersin, director da Área de Relacións con Organismos Oficiais da ONG Intermón Oxfam e Enxeñeiro de Camiños, quen nos introduxo no campo da axuda humanitaria de emerxencia na que é vital a eficacia das solucións a curto prazo, que se van replantexando a medida que o contexto vaia evolucionando.

22 dos 33 países que ocupan a cola no IDH experimentaron conflitos nalgún momento dende 1990, está a crecer o número de conflictos vinculados ó control dos recursos.

Realmente, os desastres naturais non son fortuítos. As crises humanitarias teñen que ver con estes conflitos e coa pobreza. O 90% dos desastres naturais teñen lugar en países en vías de desarrollo. Outro problema que afecta gravemente a xestión da axuda humanitaria é o reparto desigual da mesma debido a intereses xeoestratéxicos.

Pero, qué é realmente a axuda humanitaria? A axuda humanitaria está deseñada para protexer a dignidade humana e basease principalmente en 3 principios:

- A diferenciación entre combatentes e non combatentes.
- A limitación do uso da forza ( hospitales, depositos de auga..)
- O principio de asistencia humanitaria. Sexa cal sexa o conflicto, o dereito internacional humanitario recoñéce o dereito da poboación a ser asistida, aínda que se atopa en crise dende os atentados do 11s.

Mais non só consiste en suministrar coidados e socorrer, senón en facelo dun modo imparcial, non discriminatorio e independente de ideoloxías e relixións.

DESASTRE = Vulnerabilidade + catástrofe - capacidades

Nunha crise humanitaria o primeiro que colapsa son os servizos de sanidade, a protección civil e a salubridade pública. Resulta fundamental a rapidez na resposta e o acceso á poboación afectada a través de corredores humanitarios, e sobretodo, comprender o contexto no que se traballa, saber que se traballará con xente que se atopa hundida emocionalmente e é preciso ter grandes capacidades de escoita activa, para garantir á eficacia da axuda.

Despois do descanso puxeronse diversos exenplos de crises humanitarias e de cómo se xestionou a axuda. A sequía de 1984 en Etiopía que matou a 300.000 persoas, a crise de Lagos, na que se planificou un campo de refuxiados de 200.00 persoas..Todos os exemplos nos mostraron o elevados grado de complexidade da resposta humanitaria. Unha axuda de emerxencia puntual que non contribúa ó desarrollo socioeconómico será só paliativa e está condenada o fracaso a medio prazo.

ANUNCIO 10ª SESIÓN (10 de maio de 2011)

2011-05-10T11:30:00.008+02:00

Martes, 10 de maio de 2011

Axuda en Emerxencia

- Conferencia de Francesc Cortada Hindersin, Director da Área de Relacións con Organismos Oficiais da ONG Intermón Oxfam; Enxeñeiro de Camiños, Canais e Portos; Especialista na área de Hidráulica e Enerxía e Diplomado en Cooperación para o Desenvolvemento.
Falará sobre a axuda en emerxencia e as adecuadas formas de actuación en casos de catástrofes humanitarias.

O martes, 10 de maio ás 18:00h na Aula 5 da Escola Técnica Superior de Enxeñeiros de Camiños, Canais e Portos da Universidade da Coruña, no Campus de Elviña.

9ª SESIÓN (3 de maio de 2011)

2011-05-08T22:33:00.007+02:00

A primeira parte da sesión correu a cargo de Enrique Peña González, profesor da Universidade da Coruña e profesor responsable da asignatura ICD, que nos veu a falar da Axuda Oficial para o Desenvolvemento (AOD).

Nun primeiro lugar quixo destacar que España foi un país receptor de axuda ata fai unha década, un dato que sorprende en xeral. Durante moitos anos, este país estivo recibindo unha axuda que posiblemente non soubo aproveitar: non se radicou a pobreza e malgastáronse cartos en ocasións.

Para introducir o concepto de AOD destacou que os países utilízano como mecanismo de comercio interno, en moitos casos pola vía dos créditos FAD; xeralmente non é unha axuda "gratuíta", se non que serve para que os países do norte expandan os seus mercados ou a súa tecnoloxía. Esta axuda ten diversos camiños: axuda multilateral (a organismos europeos como a ONU), axuda bilateral, financiación de ONGDs (tan só un 5% aproximadamente)... e un obxetivo: chegar ao 7%.

Coa crise vivida dende o ano 2008 hai dous temas importantes que se ven moi resentidos económicamente: o medioambiente e a cooperación. O número de pobres en España segue estando, segundo Cáritas, nun 10-12%, polo tanto a situación dos habitantes do resto do mundo nesta situación cada vez "importa menos".

Para finalizar a sesión levamos a cabo a representación do xuízo de Nike, que non sería posible sen o traballo feito por todos os participantes. Despois dun intenso cara a cara entre defensa e acusación, un desfile de testigos de ambas partes e unhas probas xudiciais moi traballadas, todo baixo a supervisión do xurado, éste retirouse a deliverar. O veredicto non convenceu a ningunha das partes, pero de seguro que a Nike lle costará o seu pagar a todos os seus empregados do sudeste asiático a indemnización requerida.

E sen máis, darvos de novo as gracias a todos e desexar que o traballo feito servira para que pasarades un bo rato. Deica martes!

ANUNCIO 9ª SESIÓN (3 de maio de 2011)

2011-05-01T08:51:00.007+02:00

Martes, 3 de maio de 2011

Axuda Oficial para o Desenvolvemento

- Conferencia de Enrique Peña González, Enxeñeiro de Camiños, Canais e Portos, Profesor da Universidade da Coruña, Ex - Director da Oficina de Cooperación e Voluntariado da Universidade da Coruña. Falará sobre a Axuda Oficial para o Desenvolvemento.

O martes, 3 de maio ás 18:00h na Aula 5 da Escola Técnica Superior de Enxeñeiros de Camiños, Canais e Portos da Universidade da Coruña, no Campus de Elviña.

8ª SESIÓN (26 de abril de 2011)

2011-04-30T22:52:00.010+02:00

O pasado martes tivemos a charla sobre Proxectos de Cooperación impartida por voluntarios da ONGD Enxeñería Sen Fronteiras Galicia.

Comezamos falando do acceso á auga, xa que 886 millóns de persoas, ou 1 de cada 6, non teñen acceso á auga potable.Este dato agrávase moito nas comunidades rurais. Pero ¿qué factores definen o acceso á auga? Calidade, distancia e cantidade. ¿ E qué ocorre se falamos de saneamento? 2600 millóns de persoas non dispoñen dun saneamento nas súas comunidades, e menos nas súas vivendas. Os efecto disto van dende as enfermidades como a diarrea, difteria,etc.. ata a desigualdade de xénero e a guerra.

Non foi ata o ano 2010 que a ONU recoñeceu a auga potable e o saneamento como dereitos humanos esenciais. O cal non deixa de ser incrible.
A continuación pasaron a explicar que é un proxecto de cooperación. Cómo se define? Cales son as súas ferramentas?

Un aspecto esencial dun proxecto de cooperación e que ten unha vocación transformadora. Entre as ferramentas máis importantes está o marco lóxico e o ciclo do proxecto: Programación, Identificación, Deseño e formulación, Execución e seguemento e Avaliación. Esta última volvería a vincularse coa primeira , xa que un aspecto vital deste proxectos é a avaliación, reflexionar sobre se se acadaron os obxectivos, se a poboación se fixo dona e o grado de aceptación, todolos erros atopados reflictiranse na nova programacion.

E xa para rematar deixámosvos unha frase :
Na medida en que vexamos os invisibles, lograremos os imposibles
Vémonos o próximo martes!

ANUNCIO 8ª SESIÓN (26 de abril de 2011)

2011-04-25T19:35:00.006+02:00

Martes, 26 de abril de 2011

Proxectos de Cooperación para o Desenvolvemento

- Obradoiro formativo impartido por voluntarios da ONGD Enxeñería Sen Fronteiras Galicia. Falarán sobre os Proxectos Internacionáis que se están a a levar a cabo en países do Sur.

O martes, 26 de abril ás 18:00h na Sala de Graos 1 da Escola Técnica Superior de Enxeñeiros de Camiños, Canais e Portos da Universidade da Coruña, no Campus de Elviña.

7ª SESIÓN (12 de Abril de 2011)

2011-04-14T16:14:00.007+02:00

O pasado martes 12 de Abril tivemos con nós a Roberto Mansilla Blanco, analista do IGADI, e veu a falarnos sobre o problema do desenvolvemento en África e o caso particular de Somalia.

Para introducir o tema, Roberto fixo unhas breves referencias históricas sobre o colonialismo europeo en África e as consecuencias que aínda sofren por el actualmente. Recalcou a enorme diversidade cultural existente, así como a división entre o Magreb, ou África árabe e a África Subsahariana ou Negra. Unha característica presente en moitos dos países africanos é a dificilísima estabilidade, propiciada entre outras cousas por unha demografía moi creciente, o peso da emigración, o pulso de potencias extranxeiras, golpes militares e autoritarismo, pobreza, guerras civiles, enfermidades, débeda externa...

Para exemplarizar con un país, elixiu Somalia, un territorio moi de actualidade entre os galegos. Éste é un país no que se reflexa a problemática do Estado fallido, xa que é un estado dividido en tres e non se garantiza que o goberno teña poder en todo o territorio. Ademáis o pobo esta dividido pola relixión, xa que predominan por un lado o islam e polo outro as relixións animistas, máis antigas. Somalia está constituído por Mogadiscio, Puntlandia e Somalilandia, pero o que nos coñecemos como tal país solo é Mogadiscio (que tamén é a capital). Este descentralismo é o que xera bandas moi organizadas que substitúen en parte esta ausencia de goberno, e podemos citar por exemplo o caso dos "piratas". As potencias mundiales están moi moi interesadas en que se constitúa un goberno sólido xa que Somalia é unha posible potencia petroleira.

Xa para rematar, e como non podía ser de outro xeito falando de África, deunos unhas pinceladiñas sobre a revolución no mundo árabe. Preguntámonos, porque agora? e a resposta pode ser que existe un nivel de frustación social moi alto entre as clases medias, xa que non se ven co peso político que merecen. Realmente ninguén esperaba que esto ocurrira, pero a visión occidental foi tremendamente miope.

A continuación fixemos a dinámica da Presa Balbina, como aperitivo para o xuízo de Nike, e resultou todo un éxito. Convertiuse nun cara a cara entre a multinacional xaponesa e o goberno brasileiro, xa que o país negábase a introducir capital extranxeiro. E por último repartimos os papeis sobre o xuízo, facendo dous equipos que loitarán pola victoria o día 3 de maio facendo uso da súa dialéctica!

Moitas gracias pola vosa participación, pola choiva de ideas servidas e vémonos en 10 días!

ANUNCIO 7ª SESIÓN (12 de abril de 2011)

2011-04-09T10:56:00.006+02:00

Martes, 12 de abril de 2011

Problemas para o desenvolvemento en África. O conflito Somalí.

- Conferencia de Roberto Mansilla Blanco analista do Instituto Galego de Análise e Documentación Internacional (IGADI). Falará sobre o proceso de desenvolvemento en África, e a problemática do conflito Somalí.

O martes, 12 de abril ás 18:00h na Aula 5 da Escola Técnica Superior de Enxeñeiros de Camiños, Canais e Portos da Universidade da Coruña, no Campus de Elviña.

6º SESIÓN (5 de Abril de 2011)

2011-04-07T17:03:00.015+02:00

Este martes levamolo concepto de habitabilidade básica ó noso entorno máis próximo, falando da cooperación local en proxectos que abordan a exclusión social, da man de representantes de ASF Galicia e o presidente da asociación de veciños do Campañario, do Portiño (ata o pasado ano) Ramón Pérez Basich, membro moi activo na erradicación do chabolismo na Coruña.

Todos nos estamos armados coas capacidades necesarias para loitar para cambiar o mundo que nos rodea. Achegamonos ó concepto de oportunidade, de responsabilidade social das nosas profesións, e coñecimos, algúns de nós por vez primeira, as máquinas ecosóficas. "Para traballar nun asentamento de infravivenda é necesaria unha diagnose complexa que responda á realidade complexa". (Investigación, experimentación,comunicación e acción participativa).

Falando de exclusión social, o que cambia a través do tempo e das culturas é a maneira ou os medios empregados para a satisfacción das necesidades do individuo para evitar a perda do vínculo entre a sociedade e a persoa.Estas necesidades van dende a subsistencia á identidade. É moi importante o respeto da identidade cultural das persoas, a ausencia deste, é a causa principal de que as políticas "sociais" que nos venden a "erradicación do chabolismo" fracasen .Non hay protagonismo das persoas, as solucións propostas pola administración veñen impostas dende arriba hacia abaixo.

Esquecemonos de que o poder público ten a obriga de actuar positivamente ante estas situacións de desigualdade, que afectan a grandes sectores da cidadanía, e deixar de ser un observador neutral. Ademáis os cidadáns temos a responsabilidade de actuar fronte a esta situación e de esixir o cumplimento dos dereitos básicos que a determinados colectivos da nosa sociedade, lles son negados sistemáticamente.E temos o privilexio e a obriga de coñecer a identidade das distintas culturas que habitan con nos, en lugar de esperar que renuncien a ela.

Vimos interesantes exemplos de actuacións neste ámbito, no barrio de O Campanario, onde se partiu da participación directa da cidadanía, para a mellora do seu entorno, que estaba a ser ignorado por aqueles que teñen o deber de mirar por él.

Deixemos xa de empurrar á xente ás periferias, teñamos a coraxe para entender que todos somos cidadáns do mundo e sobretodo, fagámonos responsables deste problema. Esixamos solucións integrais. Será necesario recordarnos aquel eslogan que definía os carteis desta cidade? A Coruña, a cidade na que ninguén é forasteiro.

ANUNCIO 6ª SESIÓN (5 de Abril de 2011)

2011-04-04T12:18:00.008+02:00

Martes, 5 de abril de 2011

Exclusión Social, Proxectos de Cooperación Local

- Obradoiro Formativo no que participarán:

Alberto Varela García, Enxeñeiro de Camiños, Canais e Portos e profesor da Universidade da Coruña, que realizou numerosos estudios sobre o subdesenvolvemento nas cidades.

Ramón Pérez Basich, Presidente da Presidente da AA.VV. O Campanario do Portiño e membro activo na erradicación de asentamentos marxinais na Coruña.

Xiao Varela Gómez, Arquitecto fundador de Desescribir (obradoiro de arquitectura e deseño), participante na plataforma A Cidade dos Barrios e noutras iniciativas como a Rede de Dereitos Sociais.

Cristina Nieto Peñamaría, Voluntaria de Arquitectos Sen Fronteiras Galicia e participante en programas en cooperación local e internacional en Guatemala.

O martes, 5 de abril ás 18:00h na Sala de Graos 1 da Escola Técnica Superior de Enxeñeiros de Camiños, Canais e Portos da Universidade da Coruña, no Campus de Elviña.

5ª SESIÓN (29 de marzo de 2011)

2011-03-31T20:19:00.025+02:00

O pasado martes tivo lugar a clase adicada ao tema da Habitabilidade Básica. Nela Plácido Lizancos, arquitecto e profesor da UDC, introduciunos brevemente neste concepto de requisitos mínimos para a consideración dunha vivenda digna. En primeiro lugar realizou un breve cuestionario para comprobar se coñecemos ó mundo no que vivimos, ó que inmediatamente daría resposta. Coa pregunta de cantidade de auga consumida nun día destacou que 1100 millóns de persoas comezan o día sen auga potable. A seguinte cuestión era o valor da casa, e afirmou que o problema da vivenda no mundo non se soluciona con cartos senón con moito capital e que os que axudan realmente aos pobres son os pobres! Introduciunos tamén na relatividade da pobreza, definíndonos pobre como aquel que non ten os medios suficientes para subsistir.

Logo tratou o tema da electricidade, comprobando que case ninguén sabe cal é a cantidade de electricidade que se consume en un fogar; logo se non sabemos o que consumimos, como vamos a saber o que hai que aforrar? Xa para rematar preguntou cál é o animal máis perigoso do planeta exceptuando ao home; as respostas foron do máis "variopinto": o hipopótamo, o león... Pero a resposta é a mosca e o mosquito. E como se convate esto? Con DDTs? Non! Con habitabilidade básica: mosquiteras, illamento, etc. Estes dous insectos son a principal causa de mortandade no mundo, sendo causantes de enfermidades como malaria, infeccións parasitarias... "Unha mosca mata máis que mil tigres", dito chinés.

A grandes rasgos podemos considerar 6 tipos de vivendas: habitabilidade extraordinaria, habitabilidade precaria, slums, favelas e vilas miseria, os sen teito, os refuxiados e os ocupas ou con vivenda compartida. Como dato: para o 40% da humanidade o planeta Terra é tan habitable como Neptuno, e este número medra en 80 millóns de persoas cada ano. Definiunos moi brevemente as condicións de qué está considerado Habitabilidade Básica: 7 m2/persoa, illamento térmico axeitado, auga a menos de 300 m (non necesariamente potable), propiedade documentada... Botaríamonos as mans á cabeza nunha destas situacións! Pero é o estipulado pola ONU!

E para dar unha nova visión do mundo no que vivimos Cris fixo unha exposición acerca das proxeccións cartográficas existentes, das numerosas formas das que podemos ver a Terra. Achegounos á proxección de Gall-Peters, un mapa que respeta o tamaño real dos continentes. Estamos acostumados a ver a proxección de Mercator, onde Europa aparece no centro do mundo e o norte do planeta tremendamente amplificado fronte a reducción do sur.

Seguro que máis de un se quedou sorprendido ao ver que o tamaño de África, por exemplo, é realmente enorme. En fin, quizáis algún día logremos implantar esta proxección nas escolas como pretendían os cartógrafos do capítulo "El ala oeste de la Casa Blanca".

Vémonos o martes para seguir con temas de habitabilidade básica, pero máis pretiño de nós!

ANUNCIO 5º SESIÓN (29 de marzo de 2011)

2011-03-25T09:30:00.005+01:00

Martes, 29 de marzo de 2011

Habitabilidade Básica

- Conferencia de Plácido Lizancos, arquitecto e profesor da Universidade da Coruña. Introducirá o concepto de habitabilidade básica e comentará diversos proxectos que resolven esta cuestión.

O martes, 29 de marzo ás 18:00h na Aula 5 da Escola Técnica Superior de Enxeñeiros de Camiños, Canais e Portos da Universidade da Coruña, no Campus de Elviña.

4º SESIÓN (22 de marzo de 2011)

2011-03-24T10:15:00.014+01:00

Nesta sesión recibimos a varios representantes do comercio xusto, no só a través das ONGs como A Cova da Terra, Solidariedade Internacional Galicia e Intermón Oxfam; senón tamén coa creación de cooperativas de consumo responsable como Zocaminhoca. Este ano, o debate iniciouse como charla interactiva, fomentando a participación de todos os alumnos.

Avaliando o que cada un de nós consumimos diariamente, descubriuse que non está tan claro a orixe dalgúns productos cotidianos como o leite, o café os combustibles e incluso a auga. Sabemos onde o compramos, pero ¿estamos seguros de cal é a súa orixe, de cómo se produciu, e en qué condicións laborais? Ao longo da xornada falouse de todo isto, e debatiuse acerca das consecuencias que ten o consumo deste productos e outros de uso cotián, para a sociedade e o planeta.

As pricipais consecuencias que saíron a relucir son a contaminación, a pobreza derivada da concentración do capital, dependencias relacionadas coas condicións de traballo, etc.

O que ninguén dubidaba é que as nosas pautas de consumos teñen incidencias políticas moi graves, xa que "todos somos o sur de algo".

Cales son entón a alternativas? Ademáis de modificar o nosos comportamento á hora de consumir, de reflexionar sobre o que estamos mercando e se realmente o precisamos, surxiron ideas como a reciclaxe, medidas de retorno de embases ou as tres R.

Resulta curioso que non nos acordarámos do producto que máis se consume diariamente, que se move polo mundo en cantidades inxentes, que xera máis dependencias que ningún outro e que sen embargo, non aporta nada. O diñeiro

Tras tanta reflexión, qué mellor que probar no propio paladar o gusto do comercio xusto. Agora que xa sabemos que ademáis de estar boísimos están producidos de forma responsable e xusta, non quedan excusas para seguir esquecendose de reflexionar sobre aquelo que consumimos.

Vémonos o próximo martes!

ANUNCIO 4ª SESIÓN (22 de marzo de 2011)

2011-03-19T14:32:00.004+01:00

Martes, 22 de marzo de 2010

Comercio Xusto e Consumo Responsable.

- Mesa Redonda sobre Comercio Xusto e Consumo Responsable, na que participarán:

Clara Raposo González, membro da ONG A Cova da Terra e especialista en Comercio Xusto e Agricultura Ecolóxica.

Carmen Beltrán Moreiras, responsable da Tenda Ecolóxica da ONG Intermón Oxfam.

María Paz Gutiérrez, Directora da ONG Solidariedade Internacional Galicia.

Marcial Blanco Castelos, membro da Cooperetiva de Consumo Responsable Zocaminhoca da Coruña.

O martes, 22 de marzo ás 18:00h na Sala de Graos 1 da Escola Técnica Superior de Enxeñeiros de Camiños, Canais e Portos da Universidade da Coruña, no Campus de Elviña.

3ª SESIÓN: (15 de marzo de 2011)

2011-03-17T17:12:00.010+01:00

O pasado martes día 15 de marzo tiña lugar unha nova sesión deste curso de ICD no que tratamos un tema fundamental e descoñecido para moitos: a banca ética.

Alfredo Losada Suarez, membro de Fiare, acudía a explicarnos a existencia dunha banca alternativa á convencional, exemplificando co caso desta organización á que pertence. En primeiro lugar mostrounos algúns aspectos que reflexan que a banca en xeral non é ética: existe un posicionamento político inicial, o 80% dos beneficios proveñen das comisións, non sabemos a dónde van os nosos cartos, falta de acceso ao crédito, falta de transparencia... E con todas estas cuestións xurden unhas preguntas ás que a banca ética pretende dar resposta: o noso sistema bancario cobre as nosas necesidades?, onde invirten os nosos aforros?, existe un sistema alternativo?

Nesta clima de "oscurantismo" bancario nace Fiare con 2 obxetivos: financiar actividades económicas responsables e fomentar o inversor ou cliente responsable.

Tras esta exposición xurdeu unha interesante quenda de preguntas, coma por exemplo se a banca ética podería utilizar os intereses da banca convencional para financiar as súas actividades, cómo facer para realizar un depósito, se ofrece servizos similares aos da banca tradicional, etc.

E xa para rematar proxectamos "A Ilha das Flores", un documental que reflexa a realidade humana dun xeito moi irónico; dá unha visión da cruda realidade alonxándose dos dramatismos habituais.

E como nesta sesión rematamos un chisquiño antes de tempo, esperamos que nolo deixedes recuperar en próximas sesións! Moitas gracias pola vosa participación en clase e deica martes!!

ANUNCIO 3ª SESIÓN (15 de marzo de 2011)

2011-03-14T17:35:00.009+01:00

Martes, 15 de marzo de 2011

Banca Ética ou Alternativa

- Conferencia de Arturo Losada, membro de Fiare, entidade que nace co obxectivo de crear unha ferramenta de intermediación financeira en forma de cooperativa de crédito que vele polo interés común, pola participación e a transparencia, e polo servizo á xustiza; pemitindo dirixir o aforro de persoas, familias e organizacións cara proxectos que supoñan unha transformación da nosa sociedade e rescatar o valor social dos cartos e a actividade económica, poñéndoos ao servizo dun mundo máis xusto e humano.

O martes, 15 de marzo ás 18:00h na Aula 5 da Escola Técnica Superior de Enxeñeiros de Camiños, Canais e Portos da Universidade da Coruña, no Campus de Elviña.

2ª SESIÓN: (1 de marzo de 2011)

2011-03-07T13:22:00.012+01:00

A segunda sesión, que tivo lugar o pasado 1 de marzo, iniciouse coa presentación da Oficina de Cooperación e Voluntariado da Universidade da Coruña, por parte de Lorena Rilo ( Técnica da OCV) e Luis Hervelle Nieto (Director da OCV ), dando a coñecer os diferentes proxectos nos que se involucran,as áreas nas que traballan e citando os proxectos que teñen en marcha actualmente: infancia e adolescencia, persoas sen fogar, reclusos, hospitalizados..etc

Tras isto, tivo lugar a conferencia de Andrés Maneiro sobre o caso do software libre no mundo do desenvolvemento. Na que vimos cómo a propiedade intelectual pode xerar barreiras nos países con sectores dinámicos de coñecemento e como máis que incentivar, úsase como arma para eliminar competencia.
Entón plantexábase a seguinte cuestión: ¿Son necesarias as patentes para fomentar a creación?
No campo do software libre, expuxéronse as vantaxes dun modelo aberto. Quizáis a máis salientable sexa que o usuario ten a propiedade da aplicación, e os custos que supón o pago de licencias nun momento económico como é o actual.

Xa para rematar, vimos o vídeo "Binta, y la gran idea" que derivou nun debate acerca do concepto de benestar e crise.

Vémonos o próximo martes 15!

ANUNCIO 2ª SESIÓN (1 de marzo de 2011)

2011-02-28T11:57:00.008+01:00

Martes, 1 de marzo de 2010

Tecnoloxía para o Desenvolvemento Humano. Software Libre.

- Conferencia de Andrés Maneiro Boga, Enxeñeiro Técnico Industrial e especialista en Software Libre. Falará sobre a aplicación da Tecnoloxía para o Desenvolvemento Humano, a Propiedade Intelectual e a súa relación con temas de Desenvolvemento Social.

- Intervención de Lorena Rilo Pérez, técnico da Oficina de Cooperación e Voluntariado da Universidade da Coruña, que se encargará de presentar e dar a coñecer as actividades que realizan dende este organismo.

O martes, 1 de marzo ás 18:00h na Aula 5 da Escola Técnica Superior de Enxeñeiros de Camiños, Canais e Portos da Universidade da Coruña, no Campus de Elviña.

1ª SESIÓN: (22 de febreiro de 2011)

2011-02-23T10:32:00.023+01:00

Este martes 22 de febreiro deu comezo a asignatura de ICD, agora comezamos o blog de este ano coa ilusión de que o leades, xa que se contarán anécdotas das clases e resumirase o contido das mesmas, a modo de diario.

En primeiro lugar, José Anta e Quique Peña, profesores da Universidade da Coruña, presentaron a asignatura, comentando a orixe desta iniciativa e aclarando a intencionalidade das clases, poñendo sobre a mesa os criterios de avaliación, e instando a todos a participar, esquecendo os formatos habituais de clase.

Tras isto, presentámonos os voluntarios, e demos a coñecer a nosa labor e a nosa resposabilididade para con esta asignatura, sobretodo á hora da entrega das prácticas, asistencias, etc...

Xa tras todas as presentacións, deu comezo a charla do día. Enrique Saez, foi o encargado de introducirnos en materia, dando a conferencia sobre " Comercio e desenvolvemento".
Desenrolou o tema da pobreza como un problema global, e expuxo varias ideas fundamentais como que "se non viaxa o traballo, viaxan as persoas" e que "o comercio produce desenvolvemento" xerando un interesante debate entre os alumnos que de seguida mostraron a suas opinións debatindo acerca da necesidade ou non do intervencionismo e os aranceis. Para rematar, quedou no aire a seguinte idea:
"O principal activo do mundo, son as persoas".

Por falta de tempo houbo que cortar o interesante debate, aínda que estamos gratamente sorprendidos polo nivel de participación, encantounos ver cómo surxía tan pronto o debate e todos se animaban a participar. Que non decaiga!!

Despois dun breve descanso, e xa para rematar a xornada, comezou a dinámica da cadeiras, na que levabamos preparados varios incentivos para a participación como paquetiños de sugus ou a pelota fatídica que obriga a falar, pero por sorte, apenas fixo falta. Todos sacaron a idea de cómo está repartido o mundo e debatiuse acerca da nosa pasividade, ou de cómo pode afectar o reparto da riqueza sen planificación. Pronto surxiu un comercio de cadeiras entre os continentes, e todos amosaban interese nos debates. Noraboa! Esperamos que tiverades unha boa primeira impresión, ao igual que nós a tivemos.

Vémonos o martes!

ANUNCIO 1ª SESIÓN (22 de febreiro de 2011)

2011-02-17T19:11:00.007+01:00

Martes, 22 de febreiro de 2010

Comercio e Desenvolvemento. Situación Mundial.

- Conferencia de Enrique Sáez Ponte, economista, avogado e escritor de numerosos libros e artigos periodísticos. Analizará a relación entre o comercio e o desenvolvemento e a situación mundial actual.

O martes, 15 de febreiro ás 18:00h na Aula 5 da Escola Técnica Superior de Enxeñeiros de Camiños, Canais e Portos da Universidade da Coruña, no Campus de Elviña.

PROGRAMA CURSO 2010/2011

2011-01-13T15:55:00.009+01:00

Comezo do curso 2010/2011

2010-10-25T21:45:00.010+02:00

Xa comezou o curso, e con el a nosa preparación da asignatura que comezará logo dos exámes de febreiro. Será un curso de novidades, onde trataremos novos temas e intentaremos coma sempre conseguir facer unha asignatura diferente e coa premisa fundamental de ensinar cunha mirada diferente o mundo que nos rodea.

Moito ánimo para o inicio de curso e vémonos no 2º cuatrimestre.

FIN DO CURSO 2009/2010

2010-05-29T01:03:00.008+02:00

A piques de chegar ao mes de xuño, toca poñer o punto e final a este novo curso da materia de Introducción á Cooperación para o Desenvolvemento. Desexamos que fose do agrado de todos os participantes, tanto alumnos como voluntarios, e que se cumprisen os obxectivos do mesmo:

- Comprender mellor a realidade do mundo.
- Coñecer as causas dos desequilibrios que nel existen.
- Adquirir unha visión máis respetuosa e comprensible coa diversidade étnica, cultural e relixiosa que nos rodea.

Agradecemosvos a todos os que nos seguistes a través deste blog, así como tamén no Facebook de ICD e recordámosvos que si vos gustou o curso e queredes profundizar máis sobre algún tema concreto ou si estades interesados en colaborar, participar ou formar parte de ESF Galicia, non tedes máis que contactar con nós:

Enxeñería Sen Fronteiras Galicia.
Escola Técnica Superior de Enxeñeiros de Camiños, Canais e Portos.
Campus de Elviña, s/n.
981 16 70 00 Ext.: 1479
info@galicia.isf.es
http://www.galicia.isf.es

O ano pasado, para rematar o curso, recurríamos ás verbas de Mario Bennedetti onde se plantexaba moitas preguntas que deberían facernos reflexionar (podedes leer o poema completo premendo AQUÍ).

Polo tanto, para non perder as boas costumes, recurrimos unha vez máis ao seu poemario para reflexionar, nesta ocasión, sobre o futuro que temos por diante e as cousas que podemos ou debemos facer como persoas-seres humanos-habitantes deste planeta que somos, si queremos tratar de mudar todo aquelo que nos parece inapropiado e non contribúa a conseguir acadar unha sociedade máis xusta, igualitaria e mellor para todos.

O futuro xa está ahí, así que compre ir actuando...

[...]

lento pero viene
el futuro se acerca
despacio
pero viene

ya casi está llegando
con su mejor noticia
con puños con ojeras
con noches y con días

con una estrella pobre
sin nombre todavía

lento pero viene
el futuro real
el mismo que inventamos
nosotros y el azar

cada vez más nosotros
y menos el azar

lento pero viene
el futuro se acerca
despacio
pero viene

lento pero viene
lento pero viene
lento pero viene

Mario Benedetti

Versión Sonora Poema Mario Benedetti + Fondo Musical

13ª SESIÓN (25 de maio de 2010)

2010-05-26T14:20:00.011+02:00

O pasado día 25 de maio puxemoslle fin ao curso de ICD, desexando que fora proveitoso para todos.

A última ponencia estivo protagonizada por Vanesa Míguez Martín e explicou o que é a diversidade cultural con tódolos seus beneficios.

Nun primeiro lugar expuxo o tema das migracións, tanto a saída de persoas durante o século pasado a latinoamérica ou a europa como a entrada que actualmente se está vivindo no noso país.

Divertiunos cunha dinámica acerca das ideas xeralizadas que temos sobre algúns países, e serviu para decatarnos que unha cultura calquera engloba moito máis que esos prexuízos.

Despois de ver as nacionalidades máis presentes no país apareceron temas de actualidade como a “piratería” en Somalia ou o gran interese dos países desenrolados en ter inmigrantes ilegales a nivel de crecemento do PIB, que ven da man da economía chamada “sumerxida”.

Por motivos de problemiñas de son, tralo descanso visualizamos un pequeño video acerca do hiyab; esto tamén suscitou un debate posterior onde de novo os prexuízos de sumisión feminina volveron a deixarse ver.

Para rematar, como última dinámica xogamos a facer cubos: intercambio de materias primas, roubos, pouca solidariedade, falta de recursos para todos... Son algunhas das cousas que vivíchedes ao facer esta actividade, e esto representa tamén o comercio e relacións internacionais.

Logo das despedidas oportunas e obligadas, solo rematar con que ESF necesita voluntarios, e encantaríanos poder aloxar entre nos algún ou algunha que se sinta con ganiñas de aportar o que poida para levar a cabo os nosos proxectos: sensibilización, asignatura, administración, informática...

Moitas grazas a todos, ponentes, alumnos e visitantes, e a todos os que de algun xeito estiveron presentes. Un ano mais, foi un pracer!

Lembrade que Renunciar ao mellor dos mundos non significa renunciar a un mundo mellor.

ANUNCIO 13ª SESIÓN

2010-05-20T12:27:00.008+02:00

CICLO DE CONFERENCIAS / CURSO:

"INTRODUCCIÓN Á COOPERACIÓN PARA O DESENVOLVEMENTO"

Martes, 25 de maio de 2010:

Diversidade cultural

- Conferencia de Vanessa Míguez Martín, Socióloga e Antropóloga; Máster en Migracións Internacionais e Mediación Intercultural; Ampla experiencia en países do Sur (Tanzania, Sahara, ...).

Falará sobre a Diversidade Cultural e a relación da Cooperación para o Desenvolvemento coa temática de Xénero.

O martes, 25 de maio ás 18:00h na Aula 7 da Escola Técnica Superior de Enxeñeiros de Camiños, Canais e Portos da Universidade da Coruña, no Campus de Elviña.

ANUNCIO - ICD - 13ª SESIÓN - 25 Maio 2010

12ª SESIÓN: (18 de maio de 2010)

2010-05-19T14:39:00.007+02:00

O pasado día 18 de maio tivo lugar a sesión Axuda en Emerxencia, explicada por Francesc Cortada Hindersin, de Intermón Oxfam.

Nun primeiro lugar expuxo o que é a axuda humanitaria e a diferencia que existe entre acción humanitaria e axuda oficial ao desenvolvemento. A primeira trata de paliar os problemas a corto prazo e sen embargo a AOD é unha medida de trasfondo político que intenta erradicar a pobreza dende a base.

A continuación ofreceunos varios exemplos de campos de refuxiados e resumiu os numerosos problemas existentes en dous fundamentais: problemas básicos de infraestruturas para manter durante unha media de 14 anos un campamento deseñado só para un (principalmente para garantir o acceso a auga) e o respecto aos liderazgos existentes en cada comunidade.

Fixo fincapé tamén na recorrencia das desgracias ambientais e bélicas nunhas mesmas zonas do planeta: Centro América, a zona do ecuador africano e a costa asiática central.

Para rematar a súa ponencia introduciu un tema moi de actualidade: o terremoto de Haití.

Nun primeiro lugar criticouse a valentía dos gobernos dos países desenvolvidos debido a que ofrecen nun primeiro momento cantidades de diñeiro que logo nunca chegan a doar: a diferencia entre o que se ofrece nun primeiro momento e o que logo se dá é dun 60% aproximadamente.

Haití era un país que xa necesitaba moita axuda antes do terremoto, unha axuda que lle fora denegada poucos meses antes; xa máis dun 60% da poboación vivía con menos de 1$ ao día pero tivo que ocorrer o terremoto para que esta axuda se fixera “real”.

O curso está a piques de rematar, así que desexando que fora proveitoso vémonos o martes para poñerlle fin.

ANUNCIO 12ª SESIÓN

2010-05-14T11:25:00.006+02:00

CICLO DE CONFERENCIAS / CURSO:

"INTRODUCCIÓN Á COOPERACIÓN PARA O DESENVOLVEMENTO"

Martes, 18 de maio de 2010:

Axuda en Emerxencia

- Conferencia de Francesc Cortada Hindersin, Director da Área de Relacións con Organismos Oficiais da ONG Intermón Oxfam; Enxeñeiro de Camiños, Canais e Portos; Especialista na área de Hidráulica e Enerxía e Diplomado en Cooperación para o Desenvolvemento.

Falará sobre a axuda en emerxencia e as adecuadas formas de actuación en casos de catástrofes humanitarias.

O martes, 18 de maio ás 18:00h na Aula 7 da Escola Técnica Superior de Enxeñeiros de Camiños, Canais e Portos da Universidade da Coruña, no Campus de Elviña.

ANUNCIO - ICD - 12ª SESIÓN - 18 Maio 2010

11ª SESIÓN: (11 de maio de 2010)

2010-05-12T19:01:00.011+02:00

O pasado día 11 de maio tivo lugar o obradoiro formativo sobre Proxectos de Cooperación.

Para desenrolalo tivemos a presenza de varios voluntarios de ESF Galicia, concretamente do grupo de proxectos que nos explicaron dunha forma moi amena todolos procesos dun proxecto (algúns deles un tanto complexos).

Despois dunha pequena introducción levaron a cabo a dinámica dos actores, no que por grupos había que poñerse na pel dos diferentes axentes do proxecto e obter as responsabilidades de cada un deles: ONG internacional, beneficiarios, financiadores, ONG local... E posteriormente dunha forma moi visual, mediante fios de cores, vimos a comunicación entre grupos, a incidencia do propio proxecto e o camiño que sigue a financiación.

Despois dun descansiño expuxéronsenos os problemas que se atopan en calquera proxecto e reflexárono na dinámica da árbore de problemas, onde se intentaban xerarquizar as dificultades existentes.

Xa para rematar explicaron o programa de Honduras, unha actuación que poderán ver e traballar sobre ela os compañeiros que se van de PCR (proxecto de coñecemento da realidade). Trátase dun “conxunto” de proxectos que forman un programa de acción na temática da auga, localizado no golfo de Fonseca e onde confluyen outros dous países con presencia de ISF: El Salvador, Nicaragua e a citada Honduras.

Xa queda moi pouquiño para rematar, así que exprimamos as últimas clases!

Deica martes.

ANUNCIO 11º SESIÓN

2010-05-10T12:01:00.013+02:00

CICLO DE CONFERENCIAS / CURSO:

"INTRODUCCIÓN Á COOPERACIÓN PARA O DESENVOLVEMENTO"

Martes, 11 de maio de 2010:

Obradoiro formativo sobre "Proxectos de Cooperación"

Participarán:

- Membros do Grupo de Proxectos da ONGD Enxeñería Sen Fronteiras Galicia que falarán sobre os proxectos que esta asociación leva a cabo en países do Sur.

O martes, 11 de maio ás 18:00h na Sala de Grados 1 da Escola Técnica Superior de Enxeñeiros de Camiños, Canais e Portos da Universidade da Coruña, no Campus de Elviña.

ANUNCIO - ICD - 11ª SESIÓN - 11 Maio 2010

10ª SESIÓN: (4 de maio de 2010)

2010-05-05T20:41:00.008+02:00

O pasado día 4 de abril tivo lugar na asignatura de ICD a Mesa Redonda de Cooperación dende o punto de vista da administración.

Para desenrolala contamos coa presenza de Guillermo Otero (representante da Xunta de Galicia), Silvia Longueira (responsable de cooperación no Concello da Coruña) e por último de Luís Hervella (director da Oficina de Cooperación e Voluntariado).

Para comezar cada un deles deu unha visión da súa forma de entender a cooperación e de cómo cada administración colabora. Como idea máis sorprendente obtivemos que se cré que non é correcto fixar uns teitos coma o do 0,7% xa que as ONGDs “non serían capaces” de desenrolar os seus proxectos cunha cantidade moi superior de diñeiro ao actual.

Posteriormente iniciouse unha rolda de preguntas e o certo é que o tema que máis interesou por motivos de actualidade foi o da realidade actual dos barrios chavolistas na cidade; neste tema a concelleira mostrouse firme afirmando que tódalas familias que quixeron axuda obtivérona e que o realoxo está a piques de solucionarse por completo.

Despois dun cambio de plans de última hora, realizamos a dinámica de axentes de cooperación baseada na construcción dunha presa en Brasil. Tratábase de que 4 grupos representaran 4 posicións: o FMI e BM facendo fincapé na débeda que ten o país, o goberno brasileño, a multinacional xaponesa responsable da construcción e por último unha ONG que representaba os intereses ecolóxicos e dos indíxenas.

No debate posterior vimos fundamentalmente dúas posturas, por unha banda a da ONG e por outra a das outras 3 potencias. Xa para rematar fixemos unha votación a man alzada das opinións dos alumnos a favor ou en contra da construcción desta presa con todo o que supuxo, e sorprendentemente houbo unha gran parte que apostou a favor.

Nada máis e ata o martes que ven!

ANUNCIO 10ª SESIÓN

2010-05-01T00:53:00.008+02:00

CICLO DE CONFERENCIAS / CURSO:

"INTRODUCCIÓN Á COOPERACIÓN PARA O DESENVOLVEMENTO"

Martes, 4 de maio de 2010:

Mesa Redonda: "A Cooperación dende o punto de vista da Administración"

Participarán:

- Sr. D. Guillermo Otero Piñeyro-Maseda, Xefe do Servizo de Formación e Coordinación Institucional da Subdirección Xeral de Cooperación Exterior. Dirección Xeral de Relacións Exteriores e coa U.E. Consellería de Presidencia, Administracións Públicas e Xustiza da Xunta de Galicia.

- Sra. Dna. Silvia Longueira, Concelleira de Servizos Sociais e responsable de Cooperación no Concello da Coruña.

- Sr. D. Luís Hervella, Director da Oficina de Cooperación e Voluntariado da Universidade da Coruña.

- Modera: Sr. D. Enrique Peña González, Enxeñeiro de Camiños, Canais e Portos e profesor da UDC, ex Director da Oficina de Cooperación e Voluntariado da UDC e autor de numerosos estudos e traballos relacionados coa cooperación.

O martes, 4 de maio ás 18:00h na Sala de Grados 1 da Escola Técnica Superior de Enxeñeiros de Camiños, Canais e Portos da Universidade da Coruña, no Campus de Elviña.

ANUNCIO - ICD - 10ª SESIÓN - 4 Maio 2010

9ª SESIÓN: (27 de abril de 2010)

2010-04-28T17:03:00.013+02:00

O pasado día 27 de abril tivo lugar a sesión de Axuda Oficial ao Desenvolvemento.

O profesor Quique Peña (UDC) veu a explicarnos a realidade da axuda que os principais organismos destinan ao desenvolvemento.

Nun primeiro lugar desmontou a idea de que as ONGD manexan moitos cartos, xa que tan só reciben arredor dun 5% do total e que non se destina axuda só cando hai emerxencias como terremotos, tsunamis...

A continuación expuxo os intereses por parte dos diferentes gobernos de destinar axuda a determinados países, especialmente a aqueles nos que as grandes multinacionais teñen intereses económico importantes; esto significa que é unha axuda entre “comiñas”. Nomeou diferentes métodos de axuda como os créditos FAD (cun 1% de intereses a devolver), o perdón de débeda, a axuda destinada á ONU... E deixou pendiente unha interesante dinámica que se levará a cabo na seguinte sesión.

Na segunda parte Alberto Varela retomou a temática do Cuarto Mundo realizando unha dinámica para poñerse no lugar de persoas en torno a un poboado chabolista.

Despois dunhas reflexións conxuntas chegouse a ver que brotan moitos problemas nestes entornos, pero non se chega a ningún tipo de solución eficaz.

Alberto ademáis de deixar aberta a posibilidade dunha visita a unha destas zonas marxinais na cidade da Coruña finalizou a clase cunha impactante frase: se non eres parte da solución, entón eres parte do problema.

Xa nos últimos minutos visualizamos o video "A Illa das Flores", un documental que reflexa a realidade do ser humano en tono irónico e dun xeito moi visual.

Esperámosvos coma sempre o martes.

ANUNCIO 9ª SESIÓN

2010-04-23T18:33:00.006+02:00

CICLO DE CONFERENCIAS / CURSO:

"INTRODUCCIÓN Á COOPERACIÓN PARA O DESENVOLVEMENTO"

Martes, 27 de abril de 2010:

Axuda Oficial para o Desenvolvemento

- Conferencia de Enrique Peña González, Enxeñeiro de Camiños, Canáis e Portos, Profesor da UDC, ex director da Oficina de Cooperación e Voluntariado e autor de numerosos estudos e traballos relacionados coa cooperación. Falará sobre a Axuda Oficial para o Desenvolvemento.

O martes, 27 de abril ás 18:00h na Aula 7 da Escola Técnica Superior de Enxeñeiros de Camiños, Canais e Portos da Universidade da Coruña, no Campus de Elviña.

ANUNCIO - ICD - 9ª SESIÓN - 27 Abril 2010

8ª SESIÓN: (20 de abril de 2010)

2010-04-20T23:37:00.009+02:00

O pasado día 20 de abril tivo lugar a 8ª sesión de ICD cun tema básicamente centrado na Índia.

Na primeira parte da sesión, Blanca Rodríguez, membro da ONGD Implicadas No Desenvolvemento explicou fundamentalmente o funcionamento dos grupos de aforro na Índia e en Etiopía.

Os grupos de aforro son asociacións formadas na súa maioría por mulleres que se organizan para desenrolar un sistema de microcréditos. Fronte á vertente bancaria, os grupos de aforro céntranse en dar axuda en moitos aspectos da vida diaria das mulleres, e non só en prestar unha pequena cantidade de diñeiro que serve para que monten un negocio, invirtan... Os grupos de aforro colaboran tamén en educación, eliminación de prexuizos, información de dereitos...

A continuación visualizouse o documental “Una nube sobre Bophal”, no que se relatan uns feitos tráxicos ocorridos na multinacional estadounidense Union Carbide, cunha fábrica de pesticidas nesta cidade india.

A historia de Bophal é unha desgracia descoñecida por case todos, as víctimas están esperando aínda a día de hoxe responsabilidades para poder consolarse polos seus danos. Pero os responsables non aparecen cando se trata de facer fronte a miles e miles de mortes e a moitas xeracións marcadas pola traxedia.

Por último intentamos facer unha sesión de conclusións sobre o xuízo celebrado na clase anterior, aínda que non tivo demasiada participación debido á hora... De tódolos xeitos, grazas polo traballo realizado.

Ata o martes.

ANUNCIO 8ª SESIÓN

2010-04-16T11:50:00.010+02:00

CICLO DE CONFERENCIAS / CURSO:

"INTRODUCCIÓN Á COOPERACIÓN PARA O DESENVOLVEMENTO"

Martes, 20 de abril de 2010:

Experiencias de Desenvolvemento na Índia

- Conferencia de Blanca Rodríguez Rodríguez, membro da ONG Implicadas no Desenvolvemento. Explicará o concepto de Microcrédito e analizará a súa aplicación e resultados obtidos na Índia.

- A continuación proxectarase o documental: "Una Nube sobre Bophal", baseado no libro 'Era medianoche en Bhopal' de Dominique Lapierre e Javier Moro que narra a catástrofe industrial máis mortífera da historia. Unha fuga de gas tóxico en Bhopal (India) que causou no ano 1984 entre 16.000 e 32.000 mortos e afectou a medio millón de habitantes.

O martes, 20 de abril ás 18:00h na Aula 7 da Escola Técnica Superior de Enxeñeiros de Camiños, Canais e Portos da Universidade da Coruña, no Campus de Elviña.

ANUNCIO - ICD - 8ª SESIÓN - 20 Abril 2010

7ª SESIÓN: (13 de abril de 2010)

2010-04-14T14:21:00.012+02:00

O pasado 13 de abril comezamos a clase de ICD coa ponencia de Pedro Vega Marcote, que nos viña explicar os modelos de desenvolvemento e o desenvolvemento sostible.

Nun primeiro lugar definiu a pegada ecolóxica como o impacto ambiental que provoca a satisfacción das nosas necesidades e que ten como resultado uns cuantiosos residuos producidos, que non somos capaces de absorber.

Dividindo a superficie produtiva de territorio por habitante observamos que hai 1.75 hectáreas por persoa, pero é que actualmente estamos ocupando 2.35 hectáreas de media, por tanto a situación mundial é insostible.

En Galicia necesitariamos 3 planetas para seguir vivindo a este ritmo!!!

Con esta clase intentamos animarvos a todos a cambiar algún hábito de vida sen demasiado esforzo, para lograr frear esta caída ao precipicio.

A segunda parte da sesión estivo protagonizada pola celebración do Xuízo da Nike, unha dinámica que esperamos que servira para divertirvos, pero especialmente para concienciarvos das pésimas condicións laborais de moitas persoas, neste caso das relacionadas co mundo téxtil.

Despois dunha actuación victoriosa da defensa da multinacional e dunha derrota precoz da acusación, o xurado popular dictou sentenza declarando inocente á empresa téxtil.

O vindeiro martes adicaremos uns minutos a debater sobre a celebración deste xuízo e a avaliar a actuación de tódolos participantes.

Moitas gracias polo esforzo realizado.

ANUNCIO 7ª SESIÓN

2010-04-09T14:39:00.008+02:00

CICLO DE CONFERENCIAS / CURSO:

"INTRODUCCIÓN Á COOPERACIÓN PARA O DESENVOLVEMENTO"

Martes, 13 de abril de 2010:

Ecodesenvolvemento e Desenvolvemento Sostible

- Conferencia impartida por Pedro Vega Marcote, Químico, Psicopedagogo e Investigador en temas de Educación Ambiental. Analizará aspectos relacionados co Ecodesenvolvemento, a Pegada Ecolóxica e o Desenvolvemento Sostible.

O martes, 13 de abril ás 18:00h na Aula 7 da Escola Técnica Superior de Enxeñeiros de Camiños, Canais e Portos da Universidade da Coruña, no Campus de Elviña.

ANUNCIO - CURSO ICD - 7ª SESIÓN - 13 Abril 2010

6ª SESIÓN: (6 de abril de 2010)

2010-04-07T16:20:00.009+02:00

O pasado día 6 de abril, tivo lugar a sesión de ICD sobre comercio xusto e consumo responsable.

Para comezar fixemos unha breve introducción sobre o que é o comercio xusto e logo pasamos a formar parte da mesa redonda, unha mesa de debate da que formabamos parte todos os alumnos e membros de las asociacións: Cova da Terra, Solidariedade Internacional Galicia, Intermón Oxfam, Zocaminhoca.

Intentouse resaltar a figura do intermediario como aquel que se leva realmente o beneficio dos productos, e aquel que paga en moitas ocasións con prezos inferiores ao coste de producción (está moito de actualidade co leite galego, por exemplo). E logo estos productos chégannos ata un 500% máis caros!

Despois de resaltar as diferenzas de traballo que ten cada asociación intentaron buscar qué podemos facer cada un de nós para cambiar a tónica xeral: non cambiar de aparellos tecnolóxicos cada vez que saian outros mellores, non cambiar de vestuario unha vez ao mes, utilizar embases de vidro e non de plástico...

E por suposto comezar a mercar productos de comercio xusto, como cacao, café... Productos que como puidéchedes comprobar na desgustación posterior ademáis de estar boísimos, son productos xustamente producidos e comercializados.

Xa para rematar a sesión fixemos os preparativos finais para a dinámica do Xuízo da Nike da próxima semana. Aínda que cada parte ten que gardar a súa versión en segredo, seguro que haberá máis dunha sorpresa. Pasarémolo xenial durante o xuizo, pero acordádevos de traer tódalas provas e haber se o xuez volas acepta!

ATENCIÓN: Aquí tedes a direción do correo para consultar calquera dubida sobre o xuízo (posibles probas, testigos, procedementos, etc.): uz.villamil@gmail.com

Deica martes señorías.

ANUNCIO 6ª SESIÓN

2010-03-30T19:09:00.004+02:00

CICLO DE CONFERENCIAS / CURSO:

"INTRODUCCIÓN Á COOPERACIÓN PARA O DESENVOLVEMENTO"

Martes, 6 de abril de 2010:

Mesa Redonda sobre Comercio Xusto e Consumo Responsable.

Participarán:

- Clara Raposo González, membro da ONG A Cova da Terra e especialista en Comercio Xusto e Agricultura Ecolóxica.

- Carmen Beltrán Moreiras, responsable da Tenda Ecolóxica da ONG Intermón Oxfam.

- María Paz Gutiérrez, Directora da ONG Solidaridade Internacional Galicia.

- Membros da Cooperetiva de Consumo Responsable "Zocaminhoca" da Coruña.

O martes, 6 de abril ás 18:00h na Aula 7 da Escola Técnica Superior de Enxeñeiros de Camiños, Canais e Portos da Universidade da Coruña, no Campus de Elviña.

ANUNCIO - CURSO ICD - 6ª SESIÓN - 6 Abril 2010

5ª SESIÓN: (23 de marzo de 2010)

2010-03-24T16:23:00.011+01:00

A quinta sesión de ICD estivo marcada por un tema moi cercano a todos: O Cuarto Mundo, ou o que é o mesmo, a pobreza nos países do primeiro mundo.

Alberto Varela, profesor da UDC, proxectou nun primeiro lugar o filme “Dueños de Nada”, no que se da unha visión do día a día dun poboado marxinal dende os ollos dunha nena, e mantendo á marxe algúns dos prexuizos como as drogas, a delincuencia...

A súa ponencia consistiu en explicar as carencias que teñen estes asentamentos, a falta de servizos fundamentais para levar unha vida digna que son os que os levan á marxinación, as enormes diferenzas económicas entre estas persoas e o resto dos habitantes...

Alberto trouxo con el un convidado moi especial, xa que é unha persoa capaz de contarnos a súa experiencia nun barrio marxinal de primeira man: Ramon Pérez, presidente da Asociación de Veciños do Portiño, un dos moitos barrios creados ao realoxar enganosamente a persoas pobres que vivían en terreos con alto valor empresarial ou constructivo.

Tras mostrarnos partes da súa vida, cargada de loita por mellorar a situación dos seus veciños e a súa propia, afirma moi satisfeito que o Portiño non figura na lista de barrios conflictivos na cidade da Coruña.

A continuación iniciouse un debate moi intenso e interesante, no que saíron á luz ao fin os prexuizos que todos coñecemos acerca da poboación xitana. ¡Non se pode xeralizar! Esa quizá sexa a idea que debamos cambiar nas nosas mentes.

Xa por último repartimos os papeles para a actividade do xuizo da Nike, coa esperanza de que nos sorprendades coas vosas ideas e que sexa unha dinámica moi imprevisible e amena.

Moitas grazas e ata a volta das vacacións.

RECOMENDACIÓNS:

DOCUMENTOS:

Informe sobre o Cuarto Mundo elaborado por Alberto Varela García
"El Subdesarrollo en Nuestras Ciudades"

ANUNCIO 5ª SESIÓN

2010-03-20T11:30:00.009+01:00

CICLO DE CONFERENCIAS / CURSO:

"INTRODUCCIÓN Á COOPERACIÓN PARA O DESENVOLVEMENTO"

Martes, 23 de marzo de 2010:

Cuarto Mundo, a pobreza no Norte

- Conferencia impartida por Alberto Varela García, Enxeñeiro de Camiños, Canais e Portos e profesor da UDC que realizou numerosos estudios sobre o subdesenvolvemento nas cidades e Ramón Pérez Basich, Presidente da AA.VV. O Campanario de O Portiño e membro activo na erradicación de asentamentos marxinais na Coruña.

- A continuación proxectarase o documental "Dueños de Nada”.

O martes, 23 de marzo ás 18:00h na Aula 7 da Escola Técnica Superior de Enxeñeiros de Camiños, Canais e Portos da Universidade da Coruña, no Campus de Elviña.

ANUNCIO - CURSO ICD - 5ª SESIÓN - 23 Marzo 2010

4ª SESIÓN: (16 de marzo de 2010)

2010-03-17T14:42:00.012+01:00

A cuarta sesión, que tivo lugar o pasado 16 de Marzo iniciouse coa ponencia “propiedade intelectual e transferencia tecnolóxica” e levouna a cabo Andres Maneiro.

Para comezar na introducción do tema fixo a dinámica do Ipod, e serviu para decatarse do reparto de beneficios que supón a fabricación e venta deste aparello tecnolóxico, xa que é pouco equitativo e as ganancias substanciais están concentradas en determinados países.

A información non é libre, xa que está completamente subordinada ás patentes, dereitos...

¿Por qué utilizar un software libre? Pois por que é como ter un piso en propiedade en lugar de telo en alquiler, no que se poden facer os cambios que un queira sen terlle que pedir permiso ao dono neste caso do software. Hai moitas razóns para facelo, como a independenza, a adaptación, flexibilidade, a transferencia... Pero o certo é que aínda hoxe en día a maioría da xente opta por softwares privados, ¿quizá pola desinformación?...

Ao final da sesión proxectouse “Los amos del mundo” e logrou producir inquedanzas acerca de quén manda realmente: ¿os políticos? Casi nada. ¿As grandes potencias?...

O certo é que no debate posterior afloraron varias ideas de intereses económicos detrais das decisións políticas, e foron exemplos como o da vacina da gripe A nos que todos estabamos de acordo.

Cada vez vai a máis a participación! Moitas gracias e deica martes.

RECOMENDACIÓNS:

DOCUMENTOS:

Informe de Carolina Sténeri:
"Patentes y Derechos de Propiedad: Mal Innecesario"

Informe:
"Devolución y Propiedad Intelectual"

VÍDEOS:

Para coñecer o movemento do software libre:
O Documental "Revolution OS" é o que mellor explica a experiencia do Software Libre.

LinEx:
Reportaxe emitido en EuroNews

ANUNCIO 4ª SESIÓN

2010-03-16T15:04:00.013+01:00

CICLO DE CONFERENCIAS / CURSO:

"INTRODUCCIÓN Á COOPERACIÓN PARA O DESENVOLVEMENTO"

Martes, 16 de marzo de 2010

Software Libre e Propiedade Intelectual

- Conferencia de Andrés Maneiro Boga, Enxeñeiro Técnico Industrial e especialista en Software Libre. Falará sobre a Propiedade Intelectual e a súa relación con temas de Desenvolvemento Social.

- A continuación proxectarase o documental "Los Amos del Mundo".

O martes, 16 de marzo ás 18:00h na Aula 7 da Escola Técnica Superior de Enxeñeiros de Camiños, Canais e Portos da Universidade da Coruña, no Campus de Elviña.

ANUNCIO - CURSO ICD - 4ª SESIÓN - 16 Marzo 2010

3º SESIÓN: (9 de marzo de 2010)

2010-03-10T16:44:00.011+01:00

A terceira sesión de ICD estivo marcada principalmente polo tema da colonización, tanto de América Latina coma de África.

O ponente Roberto Mansilla Blanco, pertencente ao IGADI, fixo unha visión global acerca da colonización e as súas consecuencias tanto inmediatas como a medio plazo. Insistiu na gran riqueza cultural, na debilidade dos gobernos marcados en moitas ocasións polos golpes de estado militares, no interese de novas potencias coma China nestes países, no interese xa tradicional de países como EE.UU...

Chamounos especialmente a atención a existencia de débeda pública na maior parte dos países colonizados, unha débeda que supón ata un 80% do presuposto anual para moitos destes gobernos.

¿Siguen estando saqueados estes países aínda trala descolonización? ¿Non lles queda máis remedio que endeudarse ata tales puntos para non poder máis que malvivir? Estas son algunhas das cuestións que tratamos durante o debate posterior.

Xa para rematar a clase e despois do descanso sempre ansiado, fixemos a actividade do Mapa de África. Básicamente tratábase de darse conta do descoñecemento do continente africano e da maneira na que se repartiron estas terras os países europeos, por iso o da presencia do móbil para buscar a solución ...

Intentamos introducirvos tamén na problemática da independeza do Sáhara Occidental, tendo como referencia a total pasividade do goberno español (principal responsable) e a unanimidade de respaldo ante esta independenza de tódolos países africanos, agás Marrocos, por suposto.

Acabamos derivando, para non variar, en como afectaría aos sectores máis independentistas de Cataluña, Euskadi ou Galicia esta independenza, xa que podía derivar nunha petición de segregación pola súa parte tamén.

Deica o martes!

ANUNCIO 3ª SESIÓN

2010-03-06T11:20:00.020+01:00

CICLO DE CONFERENCIAS / CURSO:

"INTRODUCCIÓN Á COOPERACIÓN PARA O DESENVOLVEMENTO"

Martes, 9 de marzo de 2010:

Consecuencias da Descolonización

- Conferencia de Roberto Mansilla Blanco, analista do Instituto Galego de Análise e Documentación Internacional (IGADI). Falará sobre a Descolonización e as súas consecuencias en África e América.

O martes, 9 de marzo ás 18:00h na Aula 7 da Escola Técnica Superior de Enxeñeiros de Camiños, Canais e Portos da Universidade da Coruña, no Campus de Elviña.

ANUNCIO - CURSO ICD - 3ª SESIÓN - 9 Marzo 2010

2ª SESIÓN: (2 de marzo de 2010)

2010-03-03T16:46:00.012+01:00

A segunda sesión tivo lugar o día 2 de marzo, cun programa un tanto denso quizais, debido á cantidade de información recibida en tan só dúas sesións.

Por primeira vez neste curso, e para iniciar a tipoloxía xeral das sesións de ICD, Enrique Sáez levou a cabo a ponencia “Comercio e Desenvolvemento”.

Desenrolou básicamente a idea de pobreza, entendendo como tal un ciclo pechado do que se pode sair. A idea fundamental que podemos sacar é a seguinte: “O principal activo do mundo son as persoas”, e por tanto é nas mans de tódalas persoas onde está facer algo por cambiar.

Expuxo tamén o concepto de que o traballo viaxa, como explicación á emigración existente tanto hoxe en día como en épocas pasadas (o único que cambia son os lugares cara onde viaxa ese traballo).

Xa por último deu unhas pinceladas sobre a crise económica que nos azouta actualmente e que lle quita o sono a moitas persoas.

Despois dunha sesión inexistente de preguntas ao ponente (aínda que esperamos que esto vaia cambiando) tocaba a explicación do mapa de Peters.

Roi deunos a coñecer a existencia doutras formas de representación do globo terráqueo. Intentouse expoñer o dimensionamento real dos continentes, fronte ao que estamos acostumados a ver nos mapas que nos ensinan dende as escolas, coa proxección de Mercator.

Os mapas de Peters e de Mercator non son os únicos existentes, e á vista están as enormes diferencias que hai entre eles; puidemos ver tamén mapas que representan o tamaño dos países en función de diferentes características como poden ser o consumo de auga, o número de infectados polo VIH...

Intentamos abrir un pequeno debate sobre a utilización dunha ou doutra proxección, e saliron ideas como a funcionalidade da de Mercator por representar fielmente a forma dos países ou o interese por resaltar as terras do Norte fronte as do Sur.

Xa para finalizar a sesión visualizamos unha pequena parte do documental “La corporación”, debido a que non logramos finalmente poñer un resumo que tiñamos preparado; pero quen teña interese por ver o resto, pode acceder a ver o documental completo a través deste blog, premendo enriba do título.

Seguiremos o martes, coma sempre con ilusión!

ANUNCIO 2ª SESIÓN

2010-02-28T00:48:00.019+01:00

CICLO DE CONFERENCIAS / CURSO:

"INTRODUCCIÓN Á COOPERACIÓN PARA O DESENVOLVEMENTO"

Martes, 2 de marzo de 2010:

Comercio e Desenvolvemento

- Conferencia de Enrique Sáez Ponte, economista, avogado e escritor de numerosos libros e artigos periodísticos. Analizará a relación entre o comercio e o desenvolvemento e a situación mundial actual.

A continuación proxectarase o documental "La Corporación".

O martes, 2 de marzo ás 18:00h na Aula 7 da Escola Técnica Superior de Enxeñeiros de Camiños, Canais e Portos da Universidade da Coruña, no Campus de Elviña.

ANUNCIO - CURSO ICD - 2ª SESIÓN - 2 Marzo 2010

1ª SESIÓN: (23 de febreiro de 2010)

2010-02-25T13:23:00.017+01:00

Saúdos.

Tralo comezo da asignatura ICD o pasado martes 23 de febreiro, iniciamos este blog coa esperanza e interese de que o leades; trátase de dar unha visión diferente de cada clase, con algún toque anecdótico, etc.

En primeiro lugar José Anta, profesor da UDC, presentou a asignatura, intentando deixar claro que é algo completamente diferente ao que estades acostumados a recibir, e que a vosa participación semanal é imprescindible para un bo funcionamento da mesma.

Lorena Rilo, deu a coñecer a Oficina de Cooperación e Voluntariado, citando os proxectos que teñen en marcha actualmente: infancia e adolescencia, persoas sen fogar, reclusos, hospitalizados... Xa entón foi a nosa quenda, a dos voluntarios, na que intentamos deixar claro o papel que representamos e sobre todo a seriedade nas entregas e na asistencia... Na enquisa inicial observamos que o nivel de coñecementos na materia non é moi alto, pero intentarase poñer solución a isto ao longo das clases. Tivemos a idea de pasar lista en voz alta, para irnos coñecendo e participando e a verdade foi que ninguén se animou a dicir nada.

Tocaba entón a reprodución de “Binta y la gran idea” pero os problemas técnicos de última hora fixéronnos pasar un mal traguiño! Pódense sacar unha morea de ideas desta proxección, ideas de futuro para unha mellora da situación dos países subdesenvolvidos: o interese pola escolarización feminina, o acceso ás melloras tecnolóxicas como inicio de progreso...

Xa para rematar divertímonos facendo a dinámica das cadeiras, incentivando por tódolos medios a vosa participación (¡ata con piruletas!), e ao final conseguímolo en certa medida. Como conclusión todos sacamos o mal reparto da riqueza no mundo e a nosa pasividade ante este problema, ¡e foi entón como acabamos debatindo sobre a nosa participación nas pelexas nocturnas!Esperamos que tiverades unha boa primeira impresión.

¡Ata o martes!

ANUNCIO 1ª SESIÓN

2010-02-18T15:33:00.026+01:00

Presentación da X Edición do CICLO DE CONFERENCIAS/CURSO:

"INTRODUCCIÓN Á COOPERACIÓN PARA O DESENVOLVEMENTO"

Este martes, 23 de febreiro ás 18:00h na Aula 7 da Escola de Enxeñeiros de Camiños da Universidade da Coruña.

Intervirán:

- Enrique Peña González, profesor da Universidade da Coruña.

- Lorena Rilo Pérez, técnica da Oficina de Cooperación e Voluntariado da Universidade da Coruña, que se encargará de presentar e dar a coñecer as actividades que realizan dende este organismo.

A continuación proxectarase o documental "Binta y la Gran Idea" de Javier Fesser.

ANUNCIO - CURSO ICD - 1ª SESIÓN - 23 Febreiro 2010

PROGRAMA CURSO 2009/2010

2010-02-17T11:34:00.007+01:00

CRITERIOS DE AVALICIÓN

2010-02-17T11:34:00.006+01:00

BIBLIOGRAFÍA

2010-02-17T11:33:00.003+01:00

FIN DO CURSO 2008/2009

2009-06-01T15:38:00.009+02:00

Coa chegada do mes de xuño, rematamos un novo curso da materia de Introducción á Cooperación para o Descenvolvemento. Desexamos que fose do agrado de todos os participantes, tanto alumnos como voluntarios, e que se cumprisen os obxectivos do mesmo:

- Comprender mellor a realidade do mundo.
- Coñecer as causas dos desequilibrios que nel existen.
- Adquirir unha visión máis respetuosa e comprensible coa diversidade étnica, cultural e relixiosa que nos rodea.

Como consideración final de despedida citaremos as palabras coas que Mario Benedetti reflexiona sobre o papel da xuventude no mundo actual:

Que les queda por probar a los jóvenes
en este mundo de paciencia y asco?
Sólo grafitti? rock? escepticismo?
también les queda no decir amén
no dejar que les maten el amor
recuperar el habla y la utopía
ser jóvenes sin prisa y con memoria
situarse en una historia que es la suya
no convertirse en viejos prematuros.

Qué les queda por probar a los jóvenes
en este mundo de rutina y ruina?
cocaína? cerveza? barras bravas?
les queda respirar, abrir los ojos
descubrir las raíces del horror
inventar paz así sea a ponchazos
entenderse con la naturaleza
y con la lluvia y los relámpagos
y con el sentimiento y con la muerte
esa loca de atar y desatar.

Qué les queda por probar a los jóvenes
en este mundo de consumo y humo?
vértigo? asaltos? discotecas?
también les queda discutir con dios
tanto si existe como si no existe
tender manos que ayudan, abrir puertas
entre el corazón propio y el ajeno
sobre todo les queda hacer futuro
a pesar de los ruines del pasado
y los sabios granujas del presente.

Mario Benedetti.

11ª SESIÓN: (26 de maio de 2009)

2009-05-28T13:31:00.006+02:00

Nesta derradeira sesión, Vanessa Míguez Martín, antropóloga de profesión, escomezou a súa ponencia cunha pequena dinámica que tiña por finalidade coñecer os prexuízos e datos daqueles países que teñen maior múmero de emigrados no noso entorno.

Posteriormente, tocou conceptos que xeraron controversia entre os asistentes e que provocaron un interesante debate, termos como extranxeiro, emigrante, inmigrante, costumes culturais fronte a dereitos humanos, etc ...

Finalmente os conceptos de diversidade cultural, multiculturalidade e interculturalidade convidaban a replantexase a toleracia, o respeto e o racismo existente na nosa sociedade, tendo en conta que un mesmo feito se pode ver de moitas visións diferentes, e segundo a posición na que se atope o visionario, todas elas válidas sempre e cando prevaleza o respeto e a tolerancia duns seres a outros.

Para rematar, realizouse a "dinámica dos cubos" coa que se pretende facilitar unha mellor comprensión dos procesos de producción e sistema de intercambio comercial entre países industrializados e países en vías de desenvolvemento.

10ª SESIÓN: (19 de maio de 2009)

2009-05-28T13:30:00.004+02:00

Virginia Romero Sobral (ex colaboradora do IGADI) impartiu unha charla relacionada coa historia dos proxectos de Cooperación; nela, fixo especial fincapé nos conceptos base da organización, a formación e o funcionamento dos diferentes factores actuantes dentro da elaboración e posta en funcionamento dun proxecto destas características.

Posteriormente, Enrique Peña González (UDC) falou sobre a Axuda Oficial para o Desenvolvemento, para o que empregou constantes comparativas entre os diferentes paises, a diferente porcentaxe do seu PIB para axuda para o desenvolvemento que lle adica cada un deles, chegando a conclusión de que os que máis lle adican son os estados do norte de Europa.

Ademais, axudounos a poñer en coñecemento a maneira de inversión desas porcentaxes de axuda desentramando as redes gubernamentais.

9ª SESIÓN: (5 de maio de 2009)

2009-05-07T11:28:00.011+02:00

Na sesión de hoxe, recibimos a visita de Francesc Cortada Hindersin (Intermón Oxfam) que abordou o tema relacionado coa Axuda en Emerxencia, presentando as diferentes funcións e factores implicados no tema. Ademáis expuxo argumentos para reflexionar sobre o modo máis correcto de abordar estas situacións nas que tamén se require colaboura dos organismos que se ocupan desta rama da cooperación. Tamén fixo mención aos erros máis frecuentes que comete a grande maoría da poboación ao reaccionar ante unha catastrofe.

A continuación recibimos a visita de Lorena Rilo (OCV) que nos informou das formas de cooperación que existen a da Oficina de Cooperación en Voluntariado da UCD.

Por outra banda, trala ponencia, fixose a "dinámica de Axentes de Cooperación", a través da que os alumnos interpretaron un papel determinado defendendo os intereses do organismo ao que cada un representaba, deste xeito, tivo lugar un interesante debate no que se puideron comprobar as distintas posturas a favor e en contra da construcción dunha presa no Brasil.

8ª SESIÓN: (28 de abril de 2009)

2009-04-30T18:47:00.013+02:00

Na ponencia de hoxe, Blanca Rodríguez Rodríguez (Implicadas) explicounos a orixe, funcionamento e importancia dos microcréditos que fan posible a posta en marcha de pequenos proxectos que idean os grupos que os solicitan.

O microcrédito é unha forma de axuda nacida hai 30 anos na India, e está enfocada prioritariamente a grupos de mulleres, debido as condicións salariais, de segregación e de violencia nas que viven.

Ademáis disto, expúxonos o funcionamento dos "Grupos de aforro" que son pequenos grupos de mulleres autosuficientes que se organizan para aforrar, tendo así un sustento para poder seguir invertindo sen necesidade de caer na trampa dos prestamistas e usureiros.

Ambas formas de axuda distan moito de quedar só en melloras económicas, dado que supoñen a creación dunha rede social de formación e de integración das mulleres na sociedade, xogando un papel importante na eliminación dos estigmas sociais que as rodean.

Posteriormente proxectouse "Semente", un audiovisual mostra, a través das experiencias vitais das mulleres da Índia, as melloras que supuxeron nas súas vidas os grupos de aforro, e como coa axuda do "boca a boca", cada día son máis as mulleres que se agrupan para solicitar microcréditos e axudarse mutuamente.

Tralo descanso proxectouse o documental "Una nube sobre Bhopal" e entregouse a correspondente práctica que se recollerá se recollerá na vindeira sesión do 5 de maio de 2009.

Finalmente fíxose un debate aberto para expoñer os diversos puntos de vista e opicnións xurdidas na dinámica do Xuizo de NIKE.

RECOMENDACIÓNS:

LIBROS:

TÍTULO: Era medianoche en Bophal
AUTOR: Dominique Lapierre e Javier Moro
ISBN: 9788408042389
SINOPSE: Esta obra constitúe un minucioso relato da traxedia, empregando como eixe conductor a unha das familias de chabolistas afectadas pola nube tóxica que acabou coa vida de miles de seres humanos o 3 de decembro de 1984. É o produto dun magnífico, profundo e dificultoso traballo de investigación que ten en conta o desenvolvemento cronolóxico dos acontecementos que derivaron na catástrofe, o contorno social e cultural en que esta se produce e as consecuencias inmediatas e posteriores que representou para unha comunidade dun millón de habitantes nun país como a India. Esta obra é, por outra parte, un berro de alarma e unha advertencia do que representan algúns avances industriais e os seus efectos sobre as persoas e o medio ambiente, nun mundo onde non en todas partes a vida humana e o contorno natural non teñen, disque, o mesmo valor. Por último, "Era medianoche en Bhopal" é unha reclamación moral de xustiza en nome dos centos de milleiros de afectados nesta traxedia. Como lección maxistral de solidariedade, os autores implicáronse na reparación dos danos e financian co froito do seu traballo varias accións humanitarias en Bhopal.

PRENSA:

Así contaba a prensa da época a catástrofe de Bophal:

Centenares de muertos en la India al producirse una fuga de gases venenosos de una fábrica de pesticidas
Artigo publicado no xornal El País o 4 de decembro de 1984
Bophal: confusión, contradicciones e interrogantes
Artigo publicado no xornal El País o 13 de decembro de 1984

7ª SESIÓN: (21 de abril de 2009)

2009-04-28T15:02:00.006+02:00

A sesión escomenzou coa realización da enquisa avaliadora da primeira parte da asignatura.

Posteriormente xerouse unha mesa redonda para tratar o tema do Comercio Xusto, nela participaron Clara Raposo González (A cova da Terra), Carmen Beltrán Moreiras (Intermón Oxfam) e María Paz Gutiérrez (Solidariedade Internacional). Tras explicarnos o concepto de Comercio Xusto, cada unha das ponentes explicounos a diferentes formas de tratalo.

Por exemplo, IO e Solidariedade Galega, comercian só con productos do Sur pero IO, por ser ONG meirande, funciona como exportador tratando directamente cos productores, mentres que Solidariedade xestiona os pedidos a través de IO. Por outra banda, A cova da Terra traballa tanto con productos do Sur como do Norte.

Tras resolver dúbidas que ían xurdindo, todas as ponentes fixeron fincapé na necesidade dun consumo responsable mercando por necesidade máis que por sociedade.

Trala mesa redonda fíxose unha degustación de productos de Comercio Xusto.

Finalmente púxese en marcha a representación do Xuizo de NIKE.

6ª SESIÓN: (14 de abril de 2009)

2009-04-16T16:09:00.020+02:00

Baixo o título de "Desenvolvemento sostible" Pedro Vega Marcote (UDC) amosounos o despilfarro enerxético existente na nosa sociedade consumista actual. Ademáis de realizou unha análise desesperanzadora do futuro que lle espera ó planeta Terra de seguirmos nesta tendencia.

Posteriormente realizouse o cálculo da "Pegada ecolóxica" que cada individuo deixa no planeta. O ponente, tamén deu unhas pautas para Reducir o gasto enerxético, Reutilizar os materiais e Reciclar correctamente os residuos.

Finalmente, seguiuse coa preparación da dinámica do Xuizo de Nike, actividade que se escenificará na vindeira sesión do 21 de abril de 2009.

RECOMENDACIÓNS:

LIBROS:

TÍTULO: Nuestra huella ecológica.
AUTOR: Mathis Wacketnagel e William Rees
ISBN: 9562824055
SINOPSE: Esta obra aborda o debate sobre sustentabilidade e introduce unha nova e revolucionaria forma de determinar o impacto da humanidade sobre o planeta Terra. Está organizado de maneira didáctica con táboas e ilustracións provocadoras que clarifican os conceptos presentados, converte temas complexos en formas gráficas: como a capacidade de carga, a sustentabilidade, o uso de recursos, a disposición de refugallos, e outros temas; que fan deste libro un texto apto para calquera lector.

PELÍCULAS:
TÍTULO: Una verdad incómoda.

AUTOR: Al Gore

SINOPSE: O polémico documental de Al Gore no que se dan datos tan sorprendentes sobre o Cambio Climático.

TÍTULO: Espigadoras.

AUTOR: Agnès Varda

SINOPSE: A francesa Agnès Varda pretende contar un conto tomando como punto de partida a triste y crúa realidade dos que sobreviven grazas aos nosos resíduos.

PÁXINAS WEB:

Reciclaxe e medioambiente na Coruña
Todo o que precisas saber sobre o reciclaxe e as iniciativas de medio ambiente de A Coruña.
Cero CO2
Iniciativa para o coidado do clima.
Ecoloxistas en Acción
Consellos sobre como frear o Cambio Climatico.
Grupo Intergubernamental de Expertos sobre o Cambio Climático
Datos oficiais sobre o Cambio Climatico.
Enerxías renovables
O periodismo das enerxías limpas.
Asociación de productores de enerxías renovables
Centro de investigaciós enerxéticas, medioambientais e tecnolóxicas
Recicla vidro
Datos sobre a reciclaxe.

5ª SESIÓN: (31 de marzo de 2009)

2009-03-26T18:15:00.022+01:00

A sesión deu comezo coa proxección do documental "Dueños de nada" que reflexa a marxinalidade e a miseria existente do barrio de El Vacie de Sevilla pero que é unha realidade extrapolable a moitas outras cidades do 1º mundo.

O filme serviu e introducción á ponencia de Alberto Varela García (UDC) que comentou a situación que se está a vivir en asentamentos deste tipo situados na cidade da Coruña. Tamén incidiu nas necesidades reais da gran cantidade de familias afectadas por esta situación.

De seguido, tomou a palabra Ramón Pérez Basich presidente da "AA.VV. O Campanario" de O Portiño quen se lamentou de que non exista un compromiso real por parte das autoridades para erradicar o problema de marxinación e precariedade coa que conviven moitas familias en asentamentos da Coruña.

Ademáis engadíu que as institucións tan só se acordan desta problemática situación cando hai que acometer actuacións sobre o territorio como no recente caso da construcción da 3º rolda ao seu paso por Penamoa. Un asunto que recorda moito ao acontecido hai xa máis de 20 anos cando para a construcción do hipermercado "El Corte Inglés" na zona de Catro Camiños moitas destas familias que habitaban neses terreos foron realoxadas en Penamoa, daquela (igual que na actualidade) prometéndolles que ese traslado era provisional. Coa perspectiva do tempo agora pódese concluir fácilmente que realmente o único que pretendía a Concello da Coruña gobernado naquel momento por Francisco Vázquez era quitarse de enriba o grave problema sen considerar as posibles solucións.

Ramón Pérez, mencionou tamén que a errónea vinculación que xeralmente soe facerse entre a xente que habita en este tipo de asentamentos con problemáticas como drogas ou delincuencia, provocan condutas racistas que se desatan por exemplo cando unha destas familias resulta agraciada cunha vivenda de VPO, segundo a súa opinión, en contra do que poida pensarse, estas persoas soen ser xente humilde e traballadora e que precisamente á hora de tentar acceder a un posto de traballo, inflúe negativamente o factor de habitaren en tales circunstancias. Tamén se referiu á importancia de que os habitantes destes poboados marxinais sexan conscientes, por exemplo, da importancia de escolarizar aos seus fillos, entre outros factores tamén importantes.

Finalmente, e despois do descanso repartiuse a todos os alumnos a actividade sobre o Sahara que se recollerá na vindeira sesión do 14 de abril de 2009.

RECOMENDACIÓNS:

INFORME:

TÍTULO: El Subdesarrollo en Nuestras Ciudades.
AUTOR: Alberto Varela

[Preme aquí para acceder ao informe completo elaborado por Alberto Varela]

4ª SESIÓN: (24 de marzo de 2009)

2009-03-26T18:11:00.009+01:00

A ponencia prevista para esta sesión, na que se ían abordar os temas relacionados coa "Axuda Oficial para o Desenvolvemento", tivo que ser aprazada pola indisposición que impediu a asistencia do ponente Enrique Peña González (UDC).

No seu lugar proxectouse un documental producido por Luís Miguel Domínguez titulado "Akuntsu: El fin del mundo" que nos mostrou a cara máis crúa da globalización: a desaparición da biodiversidade xenética e cultural das tribus da selva brasileira.

Logo do descanso explicouse a práctica relacionada co Colonialismo que se recollerá (e cada grupo expoñerá) na vindeira sesión do 31 de marzo de 2009.

A continuación proxectouse a curtametraxe "Binta y la gran idea" onde se demostra como coas pequenas ideas tamén se pode cambiar o mundo que nos rodea tomando o mellor do sur e o mellor do norte.

3ª SESIÓN: (17 de marzo de 2009)

2009-03-18T10:55:00.026+01:00

Baixo o título de "Software Libre" o ponente Andrés Maneiro Boga (IGALIA) plantexou tres ideas básicas que conclúen na análise do perigo das patentes que supoñen unha ameaza para o desenvolvento humano, limitando a entrada de novos competidores no sistema impedindo así
o investimento en innovación dun país.

Posteriormente, Francisco Javier Tsao Santín expuxo a necesidade do software libre cos seus pros e contras, profundizando en casos específicos que fan posible o seu emprego en proxectos de cooperación ao estaren exentos do pago de licenzas.

Na derradeira parte da sesión proxectouse o documental "Los amos del mundo", que realiza unha análise sobor da democracia liberalista, o papel do BM e do FMI ante as grandes empresas e as consecuencias que sofre o pobo polo sistema capitalista e corrupto no que vivimos mediante a visión de diversos membros da comunidade intelectual internacional, como Samí Nair, Eduardo Galeano, etc… Chegando á conclusión de que "podemos escoller a salsa coa que somos cociñados pero non que non nos cociñen".

Para complementar a comprensión do filme repartiuse a práctica sobre o mesmo, que se recollerá o 24 de Marzo de 2009.

RECOMENDACIÓNS:

PÁXINAS WEB:

Para ampliar información sobre o tema de Sofware Libre podedes consultar as seguintes ligazóns:

Coñecemento Aberto
Cooperación para o desenvolvemento, Software Libre e os novos meios dixitais son algunhas das cousas que se tratan neste blog.
O bazar de Nes
Pensando en rede, Filosofía Open-Source.
No Solo Software
Algo máis que Software Libre.

2ª SESIÓN: (10 de marzo de 2009)

2009-03-11T11:18:00.024+01:00

O ponente convidado para esta sesión foi Roberto Mansilla Blanco (IGADI) que analizou o pasado, presente e futuro de América Latina. Expuxo a situación actual dos principais países que a compoñen aportando datos de interese e analizando os retos aos que se terán que enfrontar no futuro.

A continuación todos os alumnos realizaron a enquisa inicial sobre conceptos da materia.

E de seguido, procedeuse á entrega e explicación da práctica do PIB que se recollerá o 17 de marzo de 2009.

A parte máis lúdica chegou coa realización da "dinámica do Mapa de África".

Dividiuse a clase en 5 grupos de 7 persoas cada un que se redistribuiron pola aula.

Déuselles un mapa de África no que tiñan que identificar cada un dos países acompañado da bandeira do seu colonizador. Unha actividade moi útil para comprobar os coñecementos xeográficos e culturais sobre o tema e así poder reflexionar.

Finalmente explicouse o mapa de Peters e demáis proxeccións nas que se pode comprobar e reflexionar sobre as distintas distribucións mundiais en temas como a analfabetización feminina, os usos da auga, o desemprego, etc...

1ª SESIÓN: (3 de marzo de 2009)

2009-02-27T20:19:00.018+01:00

A sesión deu comezo coa presentación dos profesores responsábeis da asignatura, Enrique Peña e José Anta que expuxeron de forma breve a finalidade, forma e programa da mesma, recalcando a asistencia á clase como peza fundamental para aprobar por curso. Logo presentouse Lorena Rilo, responsable da Oficina de Cooperación e Voluntariado da Universidade da Coruña (OCV), que informou sobor do seu funcionamento e animou a visitar a súa sede sita na facultade de Socioloxía.

De seguido tomou a palabra Enrique Sáez Ponte presentando a súa ponencia titulada “Comercio e Desenvolvemento” onde analizou, dun xeito máis ben técnico, as relacións existentes entre o comercio e o desenvolvemento dende o pasado ata a actualidade nas diferentes civilizacións. Ademais tentou dar unha valoración das causas da crise global actual e das suas consecuencias e posibles solucions, así como dos efectos que terían sobre os paises subdesenrolados.

Finalmente, a parte máis divertida chegou coa realización da "dinámica das cadeiras". Coa que se pretende facer un achegamento ao reparto da poboación do mundo. Logo, asígnaselle un valor económico a cada cadeira e móstrase o reparto real da riqueza mundial e da relación da mesma coa poboación dun xeito moi visual e sinxelo no que se fan patentes as diferentes situacións dos habitantes de cada país.

RECOMENDACIÓNS:

LIBROS:

Para comezar, recomendámosvos un libro interesante que está relacionado co tema tratado na ponencia de Enrique Sáez:

TÍTULO: Un solo mundo. La ética de la globalización.
AUTOR: Peter Singer
ISBN: 8449314909
SINOPSE: Peter Singer é coñecido polas súas orixinais, provocativas e valentes ideas sobre materias que van dende a condición animal ata a investigación xenética, pero nesta obra dirixe a súa atención ás cuestións éticas en torno á globalización, ademáis convídanos a pensar máis alá das fronteiras dos Estados-Nazón e a considerar o que podería significar unha ética global no mundo de hoxe. Singer expón preguntas novas acerca dunha ética dese tipo, e proporciona respostas esclarexadoras e prácticas. O libro abarca catro cuestións principais relacionadas coa globalización: o Cambio Climático, o papel da Organización Mundial do Comercio, os Dereitos Humanos e as intervencións humanitarias, e a axuda externa.

PROGRAMA DO CURSO 2008/2009

2009-02-27T20:17:00.014+01:00

CRITERIOS de AVALIACIÓN

2009-02-27T20:15:00.019+01:00

BIBLIOGRAFÍA

2009-02-27T20:15:00.018+01:00